خواطر غريبي
بتيجيني يا حبيبي
وبصير اتذكرك
وحس حالي قريبي
ذكرايات كتيري
كلمة حب و حيري
لحظات ولع و دلع
و لحظات شوق وغيري
بتذكرك انت
وأول بحبك قلتا
والبوسة الي سرقتا
وكيف غرقت من وقتا
و مرة بيوم عيدي
لما بستلي ايدي
وقلتلي كوني أكيدي
انت لي بقلبي وحيدي
و في اشيا كمان
قلتا من زمان
خلتني دوب فيك
وطير من الحنان
شوكنت تتغزل فيي
بجسمي و بعينيي
و تدقلي بنص الليل
تتغنيليي غنيي
شو كنت فيي مجنون
وعليي كتير حنون
و تحسيسني على طول
عندك ياني قد الكون
حبيت قلك قديش حنيت
و قديش صعبي الذكريات
بس الي أصعب عليي
كل شي كان بينا مات
Subscribe to:
Post Comments (Atom)
No comments:
Post a Comment