بيي يا مدرسي
بيي يا جبل
يا كبير يا عالي
يا احلى مثل
بعتني عالمدرسي
اتعلم عن الدني
مع انو انت المدرسي
بتعرف عن كل الدني
في اشيا تعلمتا منك
من دون ما تحكيا
و في اشيا شو صعبي
كنت بالكتب لقييا
علمتني كيف الدني
بتعطيك قد ما بتعطيا
و لو برمت اياما
الحق ما بيضيع فييا
علمتني شو هو الصح
علمتني كيف قول الحق
كيف اوقف بوج الظلم
و اتحدى بكلمة لأ
حاربت لتقدملي اشيا
ما قدرت تحصل عليا
و حرمت حالك من اشيا
عشان انا احصل عليا
علمتني اشيا كتير
و قدمتلي لاكبر لي كتير
كبرتني و عطيتني جوانح
تقدرت بالاخر طير
بس يا بيي قد ما كبرت
شو ما صار و شو ما يصير
رح تضل انت جبلي
و انا ابنك الصغير
To my father and teacher with much love and admiration.
Subscribe to:
Post Comments (Atom)
No comments:
Post a Comment