السفر و المسافات

Your Voyage, My Sunset

(Dubai, 2006)

انا الي كنت حب السفر
كرهتو و كرهت المسافات
لأنو هنني نهوا قصتنا
و من وقتا حبنا الكبير مات

صرت اكره المطارات
و ما حب شوف الطيارات
شوفتون بتذكرني فيك
و بتصير تكويني الذكريات

ما حبيت قلك ما تسافر
بعرف طموحك كبير
ما كان بدي أوقف بوجه
و حلمك الكبيريطير

جواتي كنت خايفينه
مع الوقت تقوم تنساني
خوفي كان بي محلو
و البعد قسيك و قساني

بس مع خوفي كان عندي أمل
ترجعلي حلمك حققتوا
شوي شوي ضاع الأمل
و الحلم الي جواتي حرقتوا

كيف بتحرق أحلامي
و الأمل اللي جواتي؟
انت الي كنت دينيتي
قلبي و عمري و حياتي

مش رح لومك
أنا رح لوم البعد
هوي قتل أحلا قصة حب
قصة اتنين ميتو ببعض