Would it be too late...?

(Kuwait, 2007)

بخاف حُبَّك إلي يقِلْ

بخاف مع الوقت

حبَك إلي يقلْ
والشوق لي فينا

شوي شوي يفلْ
ويضيع الغرام

ع بيتنا ما يدلْ
و قمرنا يغيب

و ما يرجع يهلْ

بخاف يبرد حبنا

متل حب الكلْ
بخاف مع الوقت

حبَك إلي يقلْ

Everything Starts and Ends with You (Happy Valentine!)

powered by ODEO

My gift to you on Valentine! Happy Valentine!!

(Lyrics: http://khawatirgharibi.blogspot.com/2006/10/my-start-and-my-end-with-you.html)

Lost in the Street of Loneliness

(Kuwait, 2007)

Sunset or Sunrise?!...

(Kuwait, 2007)

بِ عيد الحب

بِ عيد الحب
شو بْعيد الحب
بُعد السما
من عيون القلب

معقول بالعيد
الفرح بْعيد
و الروح بتبكي
وحدي بتزيد؟

معقول الإيد
لحالا من جديد
والنجمي مدمعة
و القمر وحيد؟

بِ عيد الحب

بصلَي للحُب
تيٍجي و لو مرة

يفرِّح هالقلب

رسالة من حبيبة الى حبيب

وحياة دموع الفرح اللي نزلو ع خدودي لما قلتلّي بحبّك
وحياة دقات قلبي لما بليلة وشوشتني بدي موت بقربك
وحياة العذاب اللي تعذبتو و دقتو منّك
وحياة الليالي اللي انا فيها بعيدي عنّك
وحياة الكاس اللي بايدي واللي دايما رفيقي
وحياة الايام اللي كنت فيها حبيبي و صديقي
و حياة الهمسات و اللمسات و البوسات
وحياة الشمات و العبطات و الضمّات
وحياة اسامي الايام
وحياة كل الاحلام
و حياة نور الشمس
و كلام الحب و الهمس
وحياة الحب اللي علمتني ياه
وحياة كل شي قدّمتلّي ياه
وحياة فرح العيد
و حزني و انت بعيد
وحياة قلبي و قلبك
وحياة ربّي و ربّك
بعدني انا بشتقلك
بعدني انا بحبّك

Snow Snow Snow! Nothing is Pure like My Country's Snow!!!

(Lebanon, 2007)

شو بغار

شو بغار من كل انسان بيشوفك
من اهلك , من اصحابك , من ضيوفك
ليه ما بتقوليلهن اني بحبك
و اني القمر اللي دايما ع روفك؟

بغار من الفرشي اللي بتنامي عليا
من المخدي اللي كل ليلي بتعبطيا
بغار من اوضتك , من لعبك , من تيابك
من الحمرا اللي ع شفافك بتحطيا

بغار من الوردي لما تشمييا و تلمسييا
من الغنيي لما بصوتك بتغنيا
من قصايد الحب لما بتسمعييا
من النفس اللي بتتنفسي و المي اللي بتشربيا

بغار من الأرض لما يلمسا رسمك
من الريحة اللي بتعطر ايدك و جسمك
بغار من الزهرلما يصيريشمك
و من وراقو اللي مكتوب عليا اسمك

بغار من الشمس لما بنورا بتحكيكي
من القمر لما يصير يتغزل فيكي
بغار من النجوم اللي بتتخبا بعيونك
و من الملايكي اللي ع كتافك بتحميكي